donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
afsane
 
Urdu Couplets/Qataat/Rubayee on
RASHK
Hisaar-e-rashk se baahar kabhi nahi'n aaya,

Mere khuloos-ka qaayel tha,kum-hi jalta tha.
Author : Shahid Jameel

Hum rashk ko apne bhi gawaara nahi’n karte,
Marte hai’n wale unki tamanna nahi’n karte.
Author : Mirza Ghalib

Dekhna qismat ke aap apne pe rashk aajaae hai,
Mai’n use dekhoo’n bhala kab mujh se dekha jaae hai.
Author : Mirza Ghalib

Chhora na rashk ne ke tere ghar ka naam loo’n,
Har ik se poochhta hoo’n ke jaaoo’n kidhar ko mai’n.
Author : Mirza Ghalib

Apni gali mei’n mujhko na kar dafan baad-e-qatal,
Mere pate se khalaq ko kyo’n tera ghar mile.
Author : Mirza Ghalib

Qayaamat hai ke howe mudaaee ka humsafar, Ghalib,
Woh kaafir jo Khuda ko bhi na sau’npa jaae hai mujh se.
Author : Mirza Ghalib

Rashk kahta hai ke "uska ghair se ikhlaas, haif!"
Aql kahti hai ke "woh be mehar kiska aashna”
Author : Mirza Ghalib

Ilahi kyo’n nahi’n aati qayaamat, maajra kya hai?
Hamaare saamne pahloo mei’n woh dushman ke baithe hai’n.
Author : Dagh

 
Total Visit on RASHK : 853