donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mirza Ghalib
 
Share this Design Poetry to Aalmi Urdu Ghar
MIRZA GHALIB : Hazaro.n Khwahishe.n Aisi Ke Har Khwahish Pe Dam Nikle
        
Mirza_Ghalib_745761429710390.jpg
Hazaaro.n Khvaahishe.n aisii ki har Khvaaish pe dam nikle,
bahut nikle mere armaa.N lekin phir bhii kam nikle,

Dare kyuu.N meraa qaatil kyaa rahegaa uskii gardan par,
vo Khuu.N jo chashm-e-tar se umr bhar yuu.N dam-ba-dam nikle,

[chashm=eye; tar=wet; dam_ba_dam=continously]

nikalnaa Khuld se aadam kaa sunte aaye hai.n lekin,
bahut be-aabruu hokar tere kuuche se ham nikle,

[Khuld=Paradise; be-aabaruu=disgrace; kuuchaa=street]

bharam khul jaaye zaalim tere qaamat kii daraazii kaa,
agar is turraa-e-purpech-o-Kham kaa pech-o-Kham nikle,

[qaamat=stature; daraazii=length/delay; turra=ornamental tassel worn in the turban]
[pech-o-Kham=curls in the hair]

magar likhavaaye koii usako Khat to hamase likhavaaye,
huii subah aur ghar se kaan par rakkhar qalam nikle,

huii is daur me.n ma.nsuub mujhase baadaa-ashaamii,
phir aayaa vo zamaanaa jo jahaa.N se jaam-e-jam nikle,

[ma.nsuub=association, baada_aashaamee=havign to do with drinks]

huii jinase tavaqqo Khastagii kii daad paane kii,
vo hamase bhii ziyaadaa Khastaa-e-teG-e-sitam nikale,

[tavaqqo=expectation; Khastagii=injury, daad=justice]
[Khasta=broken/sick/injured, teG=sword, sitam=cruelity ]

muhabbat me.n nahii.n hai farq jiine aur marne kaa,
usii ko dekh kar jiite hai.n jis kaafir pe dam nikale,

zara kar jor siine par ki tiir-e-pursitam nikale,
jo vo nikle to dil nikale jo dil nikale to dam nikle,

Khudaa ke vaaste pardaa na kaabe se uThaa zaalim,
Kahii.n aisaa na ho yaa.N bhii vahii kaafir sanam nikale,

Kahaa.N maiKhaane ka daravaazaa 'Ghalib' aur kahaa.N vaaiz,
par itanaa jaanate hai.n kal vo jaataa thaa ke ham nikale.

[vaaiz=preacher]
 
Comments


Login

You are Visitor Number : 3817