donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Anjum Manpuri
 
Share to Aalmi Urdu Ghar
* dil bhar aayā phir bhī rāz-e-dil chhupānā hī paḌā *

dil bhar aayā phir bhī rāz-e-dil chhupānā hī paḌā 

sāmne us bad-gumāñ ke muskurānā hī paḌā 

vo jo rūThe maiñ ne bhī khā lī na milne kī qasam 

phir na dil maanā to ḳhud jā kar manānā hī paḌā 

uf rī majbūrī mizāj-e-yār meñ ho kar daḳhīl 

rāzdāñ ḳhud apne dushman ko banānā hī paḌā 

mujh ko fasl-e-gul meñ tevar dekh kar sayyād ke 

āshiyāna chhoḌ kar gulshan se jaanā hī paḌā 

zabt kā yaarā nahīñ sayyād kā bhī hai ḳhayāl 

nāla-e-dil-soz ko naġhma banānā hī paḌā 

rokte kab tak taqāzā-e-talāfī-e-sitam 

sar jhukā.e sharm se mayyat pe aanā hī paḌā 

aaj 'anjum' muskurā kar us ne phir dekhā mujhe 

shikva-e-jaur-o-jafā phir bhuul jaanā hī paḌā 


ٌٌٌٌٌٌٌٌٌٌٌٌٌٌٌ۸۸۸۸۸۸۸۸۸۸۸۸۸۸۸


 

 
Comments


Login

  • Farooq
    08-01-2018 05:45:59
    WAH WAH , BUHAT UMDHA
    LAJWAB
You are Visitor Number : 342