donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Khumar Barabankvi
 
Share to Aalmi Urdu Ghar
* Hijr kii shab hai aur ujaalaa hai *
Hijr kii shab hai aur ujaalaa hai
kyaa tasavvur bhii lutane vaalaa hai

Gham to hai ain zindagii lekin
Ghamgusaaron ne maar Daalaa hai

ishq majabuur-o-naamuraad sahii
phir bhii zaalim kaa bolbaalaa hai

dekh kar barq kii pareshaanii
aashiyaan Khud hii phoonk Daalaa hai

kitane ashkon ko kitanii aahon ko
ik tabassum men us ne Dhaalaa hai

terii baaton ko mai’n ne ai vaaiz
ahataraamaa hansii me’n Taalaa hai

maut aaye to din phire shaayad
zindagii ne to maar Daalaa hai

sher nazmen shaguftagii mastii
Gam kaa jo ruup hai niraalaa hai

laghziishen muskuraaii hain kyaa kyaa
hosh ne jab mujhe sambhaalaa hai

dam andhere men ghut rahaa hai Khumaar
aur chaaron taraf ujaalaa hai
 
Comments


Login

You are Visitor Number : 344