Is aag ko na aab samajh, fart-e-shauq mei_n
dunia samajh rahi hai hawa-e-sukhan kee aag
|
| Author : Kalim Akhtar |
|
Woh aag aag thee, kabhi shabnam nahi_n bani
Akhtar magar yeh aag shajarti hui mili
|
| Author : Kalim Akhtar |
|
Ye barasti aag, yeh shoala dil-e-betaab ka
kaash hota mausam-e-garma mein ghar barfaab ka
|
| Author : Kalim Akhtar |
|
Bujhti nahi_n hai subh talak barq-e-soz-e-gham
kis aab se bujhau_n mai_n apne badan kee aag
|
| Author : Kalim Akhtar |
|
Shabnam, sharar, ki barq thee tere badan ki aag
kis kis libaas mei_n thee sajan raat, tan ki aag
|
| Author : Kalim Akhtar |
|
Soz-e-duroon jalane chali barq-e-soz-e-gham
aab-o-hawa hai, aag hai, kiya hai, pataa nahin
|
| Author : Kalim Akhtar |
|
Nigah chashm bina aisi mddham hai ke mat poocho
kahin kya is qadaryan roshni kam hai ke mat pooch
Mizaj tirgi bhi itni bar hum hai ke mat poocho
Ab insano ki basti ka yeh alam hai ke mat poocho
Lage hai aag ek ghar mein to hum saya hava de hai
|
| Author : Kaleem Ajiz |
|
har chaoo_n koi lay gaya utha kar
aab dhoop mei_n har shehar jal raha hai
aye bhai ajeeb hai yeah duniya
kiss aag say tu behal raha hai
|
| Author : Obaidullah Aleem |
|
Jalna hai to aatishe mohabbat mei_n jalo,
khaak banna hai to khalq ka parwana bano
|
| Author : YAAS BIHARI |
|
Tere badan-ki aag-se aankho_n mei_n hai dhanak,
Apne lahoo-se rang ye paida nahi_n huye.
|
| Author : Saaqi Faruqui |
|
Aag apne-hi lagaa sakte hai_n,
Ghair toh sirf hawaa dete hai_n.
|
| Author : Mohammad Alvi |
|
Ab-kyaa ye dhuaa_n-sa uth raha-hai
Wo shehr toh kab-ka jal chuka hai
|
| Author : Mazher Imam |
|
Shahid charaag saath na-denge toh kya hua
Roshan rakhegi dil-ko ghum-e-surkhru ki aag.
|
| Author : Shahid Jameel |
|
Aag hai,aulaad-e-Ibraaheem hai, Namrood hai
Kya kissi-ko phir kissi-ka imteha_n maqsood hai
|
| Author : Allama Iqbal |
|
Aag-ke sholo_n-se roshan shehr saara ho gaya,
Ho mubaarak,aarzoo-e-khaar-o-khas poori hui.
|
| Author : Shahryar |
|
Aag ho to jalane mei_n der kitni lagti hai,
Barf ke pighalne mei_n der kitni lagati hai,
Chahe koi ruk jaye chahe koi rah jaye,
Qafilo_n ko chalne mei_n der kitni lagati hai.
|
| Author : FARHAT ABBAS SHAH |
|
Ab Ye Hoga Shayad Apani Aag Mei_n Khud Jal Jayenge,
Tum Se Duur Bahut Rah Kar Bhi Kya Paya Kya Paye_nge,
Dukh Bhi Sache Sukh Bhi Sache Phir Bhi Teri Chahat Mei_n
Ham Ne Kitane Dhoke Khaye Kitane Dhoke Khayenge
|
| Author : Ahmad Hamdani |
|
Ek padosi ke ghar mai_n aag lagi
Aur dhooa_n bhar gaya mere ghar me_n
Ek hamsaya ne jo ki faryad
Gaunj utha dared qalab muztar mai_n
|
| Author : Perwez Shahidi |
|
Saaya mera mujh se masl-e-door bhaage hai,
Asad, Paas mujh aatish ba-jaan ke kis se thahra jaae hai.
|
| Author : Ghalib |
|
Mujhe phoo_nka hai soz-e-qatra-e-ashk-e-mohabbat ne,
Ghazab ki aag thi, paani ke chhote se sharaare me’in.
|
| Author : Iqbal |
|
Us kooche ki hawa thi ke meri hi aah thi,
Koi tau dil ki aag pe pa_nkha sa jhal gaya.
|
| Author : Momin |
|
Dil ke phaphole jal uthe seene ke daagh se,
Is ghar ko aag lag gai, ghar ke chiragh se.
|
| Author : Unknown |
|
Dekh tau dil ke jaan se uth-ta hai,
Yeh dhooaa_n sa kahaa_n se uth-ta hai.
|
| Author : Mir Taqi Meer |
|
Aatish buland dil ki na thi, warna aye kalim
Har shola barq-e-khirman-e-sad, koh-e-toor tha.
|
| Author : Mir Taqi Meer |
|
Waade ne tere dil mei_n nai aag laga di,
Haalaa_nke mulaqaat ka imkaan tau nahi_n hai.
|
| Author : Aazurda |
|
Bahla na dil, na teergi-e-sham-e-ghum gai,
Yeh janta agar, tau lutata na ghar ko mai_n.
|
| Author : Fani |
|
Aatish-e-ishq ne Ravan ko jala kar maara,
Garche Lanka sa tha us dev ka ghar paani mei_n.
|
| Author : Mir Taqi Meer |
|
Dil ko pighlaata hua, aankho_n ko garmaata hua,
Phir khayaal e-yaar aaya, aag barsaata hua.
|
| Author : Shayri Bhopali |
|
Aatish-e-dozakh mei_n yeh garmi kahaa_n,
Soz-e-ghum haae nihaani aur hai.
|
| Author : Ghalib |
|
Dil mein zauq-e-wasl-o-yaad-e-yaar tak baqi nahi_n,
Aag is ghar mei_n lagi aisi ke jo tha jal gaya.
|
| Author : Ghalib |
|
Jo aag lagaai thi tum ne, usko tau bujhaya ashko_n ne,
Jo ashko_n ne bharkaai hai, us aag ko thanda kaun kare!
|
| Author : Jazbi |
|
Jungle mei_n aag lag rahi thi rang-e-gul se,
Mir, Bulbul pukari dekh ke: sahib, pare, pare!
|
| Author : Mir Taqi Meer |
|
