Mujh pa jo tera qarz tha sara ada kia,
Bosa jo mera pas hai aa ke utar doo_n.
|
Author : Ali Shaida |
|
Bosa lekar paagal kar-de, Kaat-kaat ke laali bhar-de,
Khoon rulaaye,khaaye thappad, Ai sakhee,saajan Naa sakhee, machchhar,
|
Author : Shahid Jameel |
|
Lagaaya jaam-e-mai honto_n se usne, humko rashk aaya,
Ke bosa uske lab ka, ai Zafar, lete tau hum lete.
|
Author : Zafar |
|
Bosa dete nahi_n aur dil pe hai har lahza nigah,
Ji mei_n kahte hai_n ke muft haath aae tau maal achha hai.
|
Author : Mirza Ghalib |
|
Na maango bosa, ai Aatish, bigaare mu_nh woh baithe hai_n,
Qayamat hai agar bal abroo-e-khamdaar mei_n aae.
|
Author : Aatish |
|
Ghuncha-e-na shagufta ko door se mat dikha ke yoo_n,
Bosa ko poochhta hoo_n mai_n, mu_nh se mujhe bata ke yoo_n.
|
Author : Mirza Ghalib |
|
Suhbat mei_n ghair ki kahi_n pari na ho yeh khoo,
Dene laga hai bosa baghair ilteja kieye.
|
Author : Mirza Ghalib |
|
Boli yeh andleeb ke baaqi na chhoreo,
Aise same mei_n khwaaish-e-bos-o-kinaar ko.
|
Author : Insha |
|
Dikha ke jumbish-e-lab ki tamaam kar hum ko,
Na de bosa tau mu_nh se kahi_n jawaab tau de.
|
Author : Mirza Ghalib |
|
Be ginti bose lei_nge rukh-e-dil-pasand ke,
Aashiq tire parhe nahi_n ilm-e-hisaab ko.
|
Author : Aatish |
|
Kya khoob tum ne ghair ko bosa nahi_n diya,
Bas chup raho, hamaare bhi mu_nh mei_n zabaan hai.
|
Author : Mirza Ghalib |
|
Bosa-e-rukhsaar par takraar rahne di jeye,
Li jeye, ya di jeye, inkaar rahne di jeye.
|
Author : Hafeez |
|
Lal-e-khamosh apne dekho ho aarsi mei_n,
Phir poochhte ho hans kar mujh be nawa ki khwaahish.
|
Author : Mir Taqi Mir |
|
Le tau loo-n sote mei_n uske paaon ka bosa, magar,
Aisi baato_n se woh kaafir bad-gumaa_n ho jaaega.
|
Author : Mirza Ghalib |
|