lnqilaab aaya tau yoo’n aaya nigah-e-yaar mei’n,
Kuchh ,murawwat mei’n izafa, kuchh mohabbat mei’n kami.
| Author : Firaq Gorakhpuri |
| Haa’n, baghawat, maut, aandhi, aag, bijli mera naam,
Mere gird -o-pesh ajal, meri jilou mei’n qatal-e-aam!
| Author : Josh |
| Zafar ahwaal aalam ka kabhi kuchh hai, kabhi kuchh hai,
Ke kya kya rang ab hai’n aur kya kya peshtar yaan the.
| Author : Zafar |
| Yeh maujooda tareeqe raaheye mulk-e-adam honge,
Nai tahzeeb hogi aur naye saamaan baham honge.
| Author : Akber Allahabadi |
| Dekh raftaar-e-inqilaab, Firaq,
Kitni aahista aur kitni tez.
| Author : Firaq Gorakhpuri |
| Kaam hai mera taghayyur, naam hai mera shabaab,
Mera naara: “lnqilaab-o-inqilaab -o-inqilaab.”
| Author : Josh |
| Utho, chaunko, barho, munh haath dho, aankho’n ko mal daalo,
Hawaa-e-inqilaab aane ko hai, Hindustaan waalo.
| Author : Firaq Gorakhpuri |
| |