Naat –E- Paak
Aey Khwaab Kabhi Aankho’n Mein Aise Bhi Aa Jaana.,
Mujhko Rukhe-Anwar Ka Deedaar Kara Jana,,
Galiyon Mein Madeene Ki Kho Jaau’nga Mein Qasdan.,
Ho Jaaye Madeene Mein Ik Baar Mera Jaana,,
Baa-Shauqo Adab Kahna Tu Mera Salaam Unse.,
Jab Roza-E-Ahtar Par,Aey Baade-Saba Jana,,
Furqat Ne Ujada Hai Is Dil Ke Gulistaa’n Ko.,
Sarkaar Tajalli Se Phir Is Ko Basa Jana,,
Jeene Hi Nahin Degi Ye Tashnalabi Aaqa.,
Maykhana-E-Wahdat Ka Ik Jam Pilaa Jana,,
Dikhlaaye Wahi Mujhako Jis Khwaab Mein Aaqa Hon.,
“Aey Ishq Kabhi Maujhko Neend Aisi Sula Jana”,,
Bas Aap Se Itna Hi Chahta Hai Siraj Aaqa.,
Mehshar Mein Ise Apana Deewana Bata Jana…!
|