شریف اکیڈمی جرمنی کی جانب سے پروین شاکر ایوارڈ کا اعلان 

شریف اکیڈمی جرمنی کے تیسرے سالانہ عالمی کنونشن کے موقع پرصاحب کتاب شاعرات کو ان کے مجموعہ کلام پر ’’پروین شاکر ایوارڈ‘‘دیا جائے ۔اس مقصد کے لیے عنقریب ایک ججز کا پینل تشکیل دیا جائے گا ۔پروین شاکر جنکا شمار اردو شاعری اور خاص طور پر نسائی ادب میں ایک بلند پایہ شاعرہ کے طور پر ہوتا ہے ۔ان کے فن اورشخصیت کو خراج تحسین پیش کرنے کی غرض سے پروین شاکر ایواردڈ کا اعلان کیا گیا ۔یہ ایوارڈ شاعرات کو ان کے مجموعہ کلام پر دیا جائے گا ۔جس میں انہوں نے عورت کی مجبوریوں ،محرومیوں اور اسکے مختلف رویوں کا ذکر کر کے معاشرے میں اس کو مقام اور عظمت دینے کے احساس کو اجاگر کیا ہے ۔پروین شاکر نے اپنی خوبصورت اور منفرد شاعری میں محبت اور عورت کو موضوع بنایا۔عورت کی مجبوریاں ،محرومیاں ،بے بسی اور نفسیات کی ببانگ دہل ترجمانی کی ۔انکی شاعری مختلف کیفیات کی شاعری ہے۔انہوں نے کم عرصہ میں شہرت کی بلندیوں کو چھوا ۔ملک بھر میں ہی نہیں بلکہ عالمی سطح پر انکی تخلیقات کو قدر کی نگاہ سے دیکھا جاتا ہے ۔

****************