حنیف سیّد کے افسانوی مجموعہ’’ پنچھی ؛جہاز کا‘‘کا اجراء

دائیں سے بائیں سیّد خاورعلی ہاشمی ، بزمِ نظیرؔ کے صدر عمر تیموری، حنیف سیّد، پولیس کمشنرآگرہ عالی جناب پردیپ بھٹناگراورسیّدخادم علی ہاشمی

     آگرہ :؁ ء بزمِ نظیرؔ کے صدر پیر زادہ عمر تیموری صاحب کی جانب سے ہر سال کی مانندنظیرؔ اکبر آبادی کے مزارپربسنت میلہ منعقد ہوا،جس کی صدارت کرتے ہوئے پولیس کمشنرآگرہ عالی جناب پردیپ بھٹناگرصاحب نے اردواکادمی لکھنؤ کے مالی تعاون سے شائع حنیف سیّد کے افسانوی مجموعہ’’ پنچھی: جہاز کا ‘‘کااجراء کیا،جس میں بزمِ نظیرؔ کے صدرو’تاج ور‘آگرہ کے ایڈیٹر جناب پیرزادہ عمرتیموری صاحب،جناب سیّدخادم علی ہاشمی صاحب،اور کیرئیرایجوکیشنل پتریکا کے نائب ایڈیٹر جناب سید خاورعلی ہاشمی صاحب وغیرہ نے شرکت کی ؛پھرجانے مانے گلوکارجناب سدھیرنارائن اور ان کے ہم نوا نے نظیرؔ اکبرآبادی کا کلام پڑھا،پھر سبھی حاضرین نے نظیرؔاکبرآبادی کے مزار پرچادروگل پوشی کی۔ اس کے بعد جناب سیّدخادم علی ہاشمی صاحب کی صدارت میں شعراء آگرہ جناب شاہد ندیمؔ اکبرآبادی،محمودؔ اکبر آبادی ،دائود اقبال ؔاکبر آبادی ،افضالؔ اکبر آبادی،مقصودؔ اکبر آبادی، جی ۔ایم بخشیؔ،راٹھور اکبر آبادی،، گلزارؔ اکبر آبادی، لئیق ؔاکبر آبادی، ماہرؔ اکبر آبادی نے اپنے اپنے کلام پیش کیے ، مہمانِ خصوصی افسانہ نگارحنیف سیّدرہے اور نظامت بزم ِنظیرؔ کے صدرپیرزادہ عمرتیموری صاحب نے فرمائی ۔اس موقع پر شہر کے معززحضرات حاجی اقبال احمدپدم شری،عارف تیموری، افروز شاہین، فرعین،راکیش دیکھشت، سردار نریندرسنگھ کھنوجہ،سردارامریت سنگھ،جوالاپرشاداورجواہرلعل وغیرہ۔خصوصی طورسے موجود رہے۔ آخر میں صدر نے سب کا شکریہ ادا کیا۔        

 پیرزادہ عمرتیموری        صدر    بزمِ نظیرؔ آگرہ وایڈیٹر’’تاج ور‘‘آگرہ    

************************