امیتابھ بچن نے فلم ’’شمیتابھ‘‘ کی کلکتہ میں تشہیری مہم کا آغاز کردیا
ممبئی۔ (یو این این) امیتابھ بچن نے فلم ’’شمیتابھ‘‘ کی کلکتہ میں تشہیری مہم کا آغاز کردیا ۔ذرائع کے مطابق بالی وڈ اداکار امیتابھ بچن نے کلکتہ میں خصوصی تقریب کے دوران فلم ’’شمیتابھ‘‘ کی تشہیری مہم کا آغاز بھرپور انداز میں کیا۔ اداکار نے اس موقع پر صحافیوں سے گفتگو میں کہاکہ آر کے بالکی ان کے پسندیدہ ہدایتکار ہیں وہ ان کے پاس اس سے قبل فلم ’’چینی کم ‘‘ اور ’’پا‘‘ میں کام کرچکے ہیں ‘ ایک بار آر کے بالکی ایک زبردست موضوع کی فلم لے کر آئے ہیں ‘ بالکی کی یہ خصوصیت ہے کہ وہ کسی بھی موضوع کو دلچسپ بنا سکتے ہیں ان کے پاس منفرد آڈیاز ہوتے ہیں جس پر وہ کام کرتے ہیں ۔انہوں نے کہاکہ فلم میں دھنوش اور اکشرا ہاسن کے ساتھ بھی کام کا تجربہ اچھا رہا۔ ان میں کمال کی فنکارانہ صلاحیتیں موجود ہیں ‘ انہیں اپنے سے جونیئر اداکاروں سے بھی سیکھنے کو ملا جو کہ دلچسپ بات ہے فلم جلد ہی سینما گھروں میں نمائش کے لئے پیش کی جائے گی۔
|