|
شاہ رخ کی آئیڈیل ہیں ان کی بیوی
شاہ رخ خان عام طور پر اپنی فیملی کے بارے میں میڈیا کے سامنے اظہار خیال کرنے سے گریز ہی کرتے ہیںمگر پچھلے دنوں ایک تقریب کے دوران اپنی بیٹی کے بارے میں بات کرتے ہوئے شاہ رخ نے فخریہ انداز میں بتایا ۔ میرے لئے یہ بہت فخر کی بات ہوگی اگر سہانا بھی ایک اداکارہ بنے اور مجھے پوری امید ہے کہ وہ میری توقعات پر پورا اترے گی۔
شاہ رخ خود بھی بالی ووڈ فلم انڈسٹری میں دو دہائیاں کامیابی سے گزار چکے ہیں اور اب اپنے دونوں بچوں آریان اور سہانا کے فلمی کیرئیر کے لئے بھی پر جوش نظر آرہے ہیں۔ ان کا بیٹا آریان آج کل اپنی تعلیم کے سلسلے میں مقیم ہے جبکہ بیٹی سہانا اکثر ایوارڈشوز اور دیگر تقریبات میں اپنے سپر اسٹار پاپا شاہ رخ خان اور ممی گوری خان کے ساتھ شریک نظر آتی ہے۔ 12 سالہ سہانا فی الحال اپنی تعلیم مکمل کررہی ہیں اور چند سالوں بعد اپنی اور پاپا کی خواہش کے مطابق اداکاری کی جانب بھی توجہ دیں گی۔ شاہ رخ خان نے اپنی بیوی گوری خان کا ذکر کرتے ہوئے بتایا کہ ہماری شادی کو 21سال ہوچکے ہیں اور گوری بہت خوبی سے گھر کا نظام چلا رہی ہے۔ میں اپنے گھر کے بارے میں زیادہ بات تو نہیں کرتا مگر پھر بھی یہ کہنا چاہوں گا وہ ایک آئیڈیل بیوی اور بہترین شخصیت کی مالک ہے۔
**************
|
