ڈاکٹرمناظرعاشق ہرگانوی
سیفی سرونجی اورمشاہرکے خطوط: محمد توفیق خاں
ڈاکٹر سیفی سرونجی طمطراق سے خالص ادبی رسالہ انتساب جون1983سے بیحد پابندی کے ساتھ نکال رہے ہیں۔ اس رسالے کی دھوم وری دنیا میں ہے۔ ہرشمارہ پر قارئین کی رائے بھی شامل کی جاتی ہے گرامی نامے، کے تحت کھٹے میٹھے خطوط میں تخلیقات کی پسنداور ناپسندکو سمجھا جاسکتا ہے، کھلے اور محدود ذہن کااندازہ لگایا جاسکتا ہے اور تقریباتیس سال کے شعری اور نثری ادب کے رجحانات کوآنکاپرکھاجاسکتاہے۔ ہزاروںخطوط میں سے چار سومکتوب کاانتخاب محمد توفیق خاں نے کتابی شکل میں شائع کیاہے۔ اس کتاب سے سیفی سرونجی کی صحافتی شخصیت اور اردو زبان اور ادب کے میلانات اور رجحانات پر بھرپور روشنی پڑتی ہے۔ یہ خطوط 232مشاہیرادب کے ہیں جن میں سیفی اور انتساب کی تعریف ہے اور ادب کیلئے منظر نامے کی عکاسی ہے۔ سیفی جہاندیدہ ہیں اور عبقری سوچ کے مالک ہیں۔ اسی لئے محدود بساط پر بھی دلکش نقش ابھارتے ہیں
۸۸۸۸۸۸۸۸۸۸۸۸۸۸
|