Naa inteshaar ka khatra naa inhedam ka hai,
yeh marhala to tabhi ke ekhtataam ka hai,

jo khatam ho gaya rishtaa woh dosti kaa thaa,
jo bach gaya hai taa-aluq, woh inteqaam ka hai,

har aik lamha ajab khauf be panahii kaa,
hamare ahad mei.n ye rang subho shaam kaa hai,

bachaiye.n kis tarah balwaayio.n se bastii ko,
mohafizo.n kaa iraada bhii qatle aam kaa hai,

yeh buzdili hai ke hote hai.n phool unkeliye,
woh jin ke haath mei.n khanjar hamare naam ka hai,

safar hai dasht kaa aur raat hogaii Aalam,
hamaare saamne ab mas.ala qayaam ka hai.