MERE SAAMNE,
JHEEL KI GAHRI KHAMOSHI PHAILI HUI HAI,
BAHUT DOOR TAK NIILE PANI MEI.N,
KOI BHI HALCHAL NAHI HAI,
HAWA JAANE KIS DASHT MEI.N KHO GAYII HAI,
HAR SHAJAR SAR JHUKAYE HUE CHUP KHARHA HAI,
PARINDA KISI SHAAKHE GUL PER,
NA NAGHMA SARA HAI,
NA PATTE KISI SHAAKH PER JHOOMTE HAI.N,
HAR IK SIMT KHAMOSHIYO.N KA AJAB SA SAMAA.N HAI,
MERE SHAHAR MEI.N AISA MANZAR KAHA.N HAI
CHALOO.N,
AISE KHAAMOSH MANZAR KI TASWEER HI
KAINVAS PER UBHAAROO.N,
ABHI TO FAQAT ZEHAN MEI.N IK HEOLA BANA THAA,
KE MANZAR ACHAANAK BADAL SA GAYA HAI,
KISI PERH KI SHAAKH SE
KOI PHAL TOOT KAR JHEEL MEI.N GIR PARHA HAI,
BAHUT DOOR TAK
PAANIYO.N MEI.N KHALBALI SI MACHI HAI,
HAR IK MAUJ BIPHRI PARHI HAI....!!!!