کرن رباب نقوی کی نذر
یہ کہانی عجیب ہوتی ہے
نوجوانی عجیب ہوتی ہے
..............................
ہوش رہتا نہیں کسی شے کا
رائیگانی عجیب ہوتی ہے
................................
چاند دیتا ہے دستکیں در پر
خوش گمانی عجیب ہوتی ہے
................................
دل کی باتیں زبان سے توبہ
ترجمانی عجیب ہوتی ہے
...............................
ایک صورت کے مسکرانے سے
گل فشانی عجیب ہوتی ہے
...............................
دل میں کوئی مکین ہوتا ہے
بیکرانی عجیب ہوتی ہے
...............................
ہیرے موتی بھی ہیچ لگتے ہیں
اک نشانی عجیب ہوتی ہے
...............................
سب سمجھ کر نہیں سمجھنے میں
شادمانی عجیب ہوتی ہے
...............................
دھوپ میں کوئی یاد آتا ہے
سائبانی عجیب ہوتی ہے
...............................
چین ملتا نہیں کہیں دل کو
لامکانی عجیب ہوتی ہے
...............................
_______________________
شاعر: عالم خورشید
ترتیب وپیشکش :موسٰی آرٹ