Ye tamaasha dekh kar ham aaina-bezaar hai.N,
jinke chehre hii nahii.N vo aaina-bardaar hai.N,
shamaa roshan kar rahe hai.N taajiraa.n-e-tiirgi,
kyaa anokhii daastaa.N hai, kyaa ajab kirdaar hai.N,
Ai merii jamhuuriyat! terii kahaanii hai ajiib,
qaail-e-nafrat hai.N jo, vo saahab-e-dastaar hai.N,
muddato.N se so rahe hai.N ham hisaar-e-zaat me.N,
aur ye da.ava bhii hai bedaar the, bedaar hai.N,
aap Aalam paidalo.N kii chaal se ghabraa gaye,
asp, kishtii, fiil, farzii.N, sab pas-e-diivaar hai.N.