Tujhey tujhse churana chahta hoo'n
Junoo'n ko aazmana chahta hoo'n
Hamarey dermiya'n jo mojzan tha
Wuhi rishta purana chahta hoo'n
Maka'n badley hai'n kitney is nagar mei'n
Mai'n ab ke ghar basana chahta hoo'n
Samey ki andhiyo'n se bujh na pai
Diya aisa jalana chahta hoo'n
Ye duniya to buhat chhoti hai jana
Terey dil mei'n samana chahta hoo'n
Tumhara sath ho or geet lihkoo'n
Mai'n jeevan shairana chahta hoo'n