Tumse shikva na zamaney se shikayat ki hai
Hum hi mujrim hai'n ke is daur mei'n muhabbat ki hai
Log nadaan hai'n jo phir shor utha detey hai'n
Sheikh ne to sada masand ki himayat ki hai
Ishq walo'n ne kabhi zulm pe baat nahi ki
Hum ney her dor ke jabbar se baghawat ki hai
Rasm gaho'n mei'n kata karti hai shaho'n ki hayat
Husn walo'n ne adao'n se hukoomat ki hai
Chahatei'n or bhi guzri hei'n zamaney mei'n mager
Jaise hum kertey hai'n kab kis ney muhabbat ki hai