غزل

بوند اشکوں سے اگر لطف روانی مانگے

بلبلا آنکھوں سے خونا بہ فشانی مانگے

بحر الفت میں چلاہے تو پہلے مستول

تیرسے آہ کے کشتی دخانی مانگے

نکتہ وصل دم عرض قلم پر رکھے

بوسہ چاہے تو لب شوق زبانی مانگے

تا قیامت دل بیدار سنائے ہر روز

خواب راحت ترا گر روز کہانی مانگے

دل تو دل افعی گیسو وہ بلا ہے کافر

اس کا کاٹا کوئی افعی بھی نہ پانی مانگے

ترے قدموں کی بدولت ہے نشاں تربیت پر

اس سے بڑھ کر کوئی کیا مرے کونشانی مانگے

اس جواں کے غمِ ہجراں نے کیا ہے بوڑھا

خضر بھی دیکھ کے جس بت کو جوانی مانگے

چاہ میں اس مہ نخشب کے شب وروز ہیں غرق

قاز جس کا مہ کنعاں سے شبانی مانگے

خارج امکاں سے ہے شہباز شہیدوں کا شمار

کوئی کس کس کیلئے مرثیہ خوانی مانگے

+++