غزل

یہ گل رنگ عارض یہ چہرہ کتابی
رخِ ماہِ تاباں شہابی شہابی
گماں چشم و ابرو ہے تیر و کماں کا
چلے جس کے دل پہ ہو خانہ خرابی
یہ خوابیدہ آنکھیں یہ مسرور چہرہ
نگاہوں کے چلمن سے جھانکے شرابی
جواں ہر دلوں کو جو بیتاب کردے
یہ رنگیں لبوں کا تبسم گلابی
زمانے کی نیرنگیوں میں نہ کھونا
حمید اس میں ہی ہے بڑی کامیابی

عبدالحمید حمید

48H/1, Bright Street
Kolkata-700017
Phone: 22834458

بشکریہ ’’میر بھی ہم بھی‘‘ مرتب: مشتاق دربھنگوی
………………………