Us ki yaado.n ke har ek shab mei.n riyazat hi hai,
usay chaha hi nahi us se ebadat ki hai,
Mujh ko hai naaz keh shab-khoo.n na mara mai.n nay,
Mai.n nay har haal mei.n dushman say diyanat ki hai,
Aik pattay ka bhi saaya na shajar say nikla,
Zard mausam ke hawaao.n nay adawat ki hai,
Aablay phoot kay rotay hai.n meray paoo.n kay,
Yoo.n meray zabt say ashko.n nay baghavat ki hai,
Thak kay aashufta-sari soye they ek pal kay liye,
Phir teray khwaab nay woh pehlay se halwat ki hai,
Kaisay shikwa karay ghairo.n say bhala koi Ebad,
Apnay haatho.n say hi khud apni jarahat ki hai.