GHAZAL
Rat-jagey naraaz is par ho gaye
Khawab aankhoN ka muqaddar ho gaye
Jo zabaN marham thi mere wastey
Aaj uske lafz nishtar ho gaye
Maine ik deevaar dekhi khwab meiN
Aur phir deevaar mei.n dar ho gaye
Ham usey but kehtey kehtey dosto
Ye hua k khud hi patTher ho gaye
Ranj se chehra shafaq-aageeN hua
Doobtey sooraj ka manzar ho gaye
Dosto ki mehfiloN mei.n aa gaya
Jab se kuch haalat behtar ho gaye
Jaane kis ke aansuoN ka faiz hai
Wo jo sehara they samandar ho gaye
Beh gaye sab tez dhaarOn mei.n sukhan
Jo bachey they wo shanavar ho gaye
***********