Ye saneha bhi ajab ho gaya hai rastey meiN
Jo rehnuma tha wohi kho gaya hai rastey meiN

Kisi bhi aabla paa ko na mil saki taskeen
ajeeb khaar koi bo gaya hai rastey meiN

Etaab e jaaN hui garde-safar kisi ke liye
kisi ko abre-karam dho gaya hai rastey meiN

Hudee ki laiy karo maddham aye qafiley walo
thankan se choor koi so gaya hai rastey meiN

Musafiraane-wafa ki koi khabar na mili
na jaane kaun kidhar ko gaya hai rastey meiN

rahega saath kahaN tak mujhey nahi maloom
wo ham-sukhan to mera ho gaya hai rastey meiN

************