Ghazal...
---------------

Safar meiN teera-shabi ke azaab itne haiN
Isi liye to pareeshaN ye khwaab itne haiN

jidhar bhi dekhiye dashte-tahayyuraat sa hai
jidhar bhi jayiye ab inquelaab itne haiN

Tumharey saath chaleiN hamne baarha socha
hamari jaan ko lekin azaab itne haiN

tere badan ki sabhi khushbuyeiN mahak utheiN
meri nazar mei.n mahkatey gulaab itne hai.n

Abhi hoo.n door har ek mehfile-tarab se sukhan
dilo o nazar mei.n abhi izteraab itne haiN

******