sharab lal-e-lab-e-dil-bara.n hai mujh ku.n mubah
ab aish-o-ishrat-e-dono.n jaha.n hai mujh kun mubah
yahi hai farq hum aur tum muni.n sun ai zahid
waha.n jo tujh ko milega yaha.n mujh ku.n mubah
jinho.n ke tir-e-mizha dil ku.n phoD chalte hai.n
wo shoKH dilbar-e-abru-kama.n hai mujh ko mubah
sharab o shahid o KHalwat siyah-masti hosh
isi jaha.n muni.n begama.n hai mujh ko mubah
KHarab duKHtar-e-raz ke hue hai.n sab 'yakru'
ajab ki shaiKH kahe hai kaha.n hai mujh ku.n mubah

****************