بہت دبلي بہت ہي پتلي حياتي ہوتي جاتي ہے
چپاتي رفتہ رفتہ کاغذاني ہوتي جاتي ہے

ہمارے گال بھي پچکے ہوئے امرود جيسے ہيں
اور ان کي ناک ہے کہ ناشپاتي ہوتي جاتي ہے

ملي ہے حکمراني ديس کي جب پارسائوں کو
تو اپن قوم کيوں پھر وارداتي ہوتي جاتي ہے

بجٹ اس کا خسارے کا اور اپنا بھي خسارے ميں
حکومت بھي ہماري ہم جماعتي ہوتي جاتي ہے

وہ لندن ميں مکيں ہيں ميں ہوں چيچو کي ملياں ميں
ہماري دوستي قلمي دواتي ہوتي جاتي ہيں

ہمارے درمياں بيٹھے ہوئے ہيں افسر اعلي
تبھي تو آج اپني چوڑي چھاتي ہوتي جاتي ہے