غزل
جو بھی یک جا ہے ،بکھرتا نظر آتا ہے مجھے
جانے یوں ہے بھی کہ ایسا نظر آتا ہے مجھے
چشم یے وا میں تو وہی منظر یے خالی ہے جو تھا
موند لوں آنکھ تو کیا کیا نظر آتا ہے مجھے
عکس یے موجود کے اندر رخ یے فردا پہ کہیں
جانے کیوں رنگ یے گزشتہ نظر آتا ہے مجھے
باندھ لوں رخت یے سفر ،لوٹ چلوں گھر کی طرف
تیری جانب سے اشارہ نظر آتا ہے مجھے
مائل یے عرض یے تمنا ہے نہ ہے وقف یے ملال
اے مرے دل تو ٹھہرتا نظر آتا ہے مجھے
کشتی یے جاں یہی اک آدھ بھنور اور ہے بس
کہیں نزدیک کنارہ نظر آتا ہے مجھے
تجھے کیوں کر ہو یہ معلوم مرے ماہ یے تمام
داغ یے دل کیسے ستارا نظر آتا ہے مجھے
دیکھنے دیکھنے میں فرق ہوا کرتا ہے
تمہی بتلاؤ کہ کیسا نظر آتا ہے مجھے
ابرار احمد
