Ik Khalish ko haasil-e-umr-e-ravaa.N rahne diyaa,
jaan kar ham ne unhe.n name harabaa.N rahne diyaa ,
kitnii diivaaro.n ke saaye haath phailaate rahe,
ishq ne lekin hame.n be Khvaanamaa.N rahne diyaa ,
apne apne hausale apnii talab kii baat hai,
chun liyaa hamne unhe.n saaraa jahaa.N rahne diyaa ,
ye bhii kyaa jiine me.n jiinaa hai baGhair un ke Adeeb,
shama gul kar dii gaii baaqii dhuaa.N rahne diyaa.