* tareekh se wo ankh milla b nahin skta *
tareekh se wo ankh milla b nahin skta
jo munkarr e haq ho wo churra b nahin skta
ilhaam ka hona to bus qismat pe hy mohqoof
koi haql se qimsat men likha b nahin skta
ye had hy sitm ki k men khalwat men kisi din
rodaad apni, dil ko sunna b nahin skta
dawa hy ghalat us pe jo gull se hy nazuk tar
pir qatl ka ! jo phool utha b nahin skta
chohne se jo titliyun k ho jate hen barham
wa hasrata un ko men satta b nahin skta
sahil pe hon aur watn ki kashti hy bawar men
aisa howa be bus k bacha b nahin skta
khoii hoi mazloom ki awaz ko pa kr
chhup reh nahin skta aur utha b nahin skta
mat poch k dil par kahan kia zakhm lagga hy
tujh ko to men Hamdam wo dikha b nahin skta
**** |