talāsh-e-qabr meñ yuuñ ghar se ham nikal ke chale 
kafan baġhal meñ liyā muñh pe ḳhaak mal ke chale 
havā khilānī thī duniyā kī merī mayyat ko 
uThāne vaale jo kāñdhā badal badal ke chale 
jagah na dī hameñ us sham.a-rū ne pahlū meñ 
havas bujhāne ko aa.e the aur jal ke chale 
uThā ke bazm se ham le chale jo ḳhalvat meñ 
qadam qadam pe vo rūThe machal machal ke chale 
yahāñ tak aa.e haiñ tai ham do-manzila kar ke 
tumhārī bazm meñ pahuñche haiñ āj-kal ke chale 
shahīd-e-nāz kī mayyat jo dekhī gul-dar-gul 
kafan khasūT jo aa.e the haath mal ke chale 
kamand-e-kākul-e-pechāñ se duur duur rahe 
qazā Tale jo 'sharaf' us balā se Tal ke chal 

۸۸۸۸۸۸۸۸۸۸۸۸۸