غزل

ہے نور صبح وہی رات کا ستارہ بھی
وہی ہے منزل مقصود اور سہارا بھی
اسے تھا فخر بہت اپنی فتح مندی کا
ضرورتاٗ مجھے جیتا بھی اور ہارا بھی
 یہ اور بات کہ تنکے کی کچھ نہیں اوقات
بہت ہے ڈوبنے والے کو اک سہارا بھی
وہ ایک لفظ جو ہونٹوں پہ آ کے تھم جائے
ہے تیرا نام وہی، تیرا استعارہ بھی
بضد تھا وہ کہ مجھے مجھ سے جیت ہی لے گا
اگر چہ بارہا اس میں ہوا خسارہ بھی
ہماری کم نگہی کا قصورتھا ورنہ
ہر ایک شئے میں ترا عکس تھا  نظارہ بھی
,,,,,,,,,,,,,,,,,,,,,,,,,,,,,,,,,

احمد اشفاق
پوسٹ بکس نمبر۔4485
دوحہ ۔ قطر
رابطہ۔ 00974 55239649

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔