* Maazi ko bhool jaana hi behtar laga mujhe *
Maazi ko bhool jaana hi behtar laga mujhe
Jab jab bhi usko yaad kiya dar laga mujhe
Baahar to raushni ki chakachaund thi bahut
Lekin Ghana andhera to andar laga mujhe
Maara to tha adu he kisi aur ko magar
Shayad mein mustahaq tha ke pathhar laga mujhe
Main saare ranj-o-gham ko, masaaib ko bhool jaoon
Ek baar apne seene say aakar laga mujhe
Muddat say meri aankhon ko tha jiska intizar
Wo saamne jo aaya to patthhar lag mujhe
|