Tum bhi Khafaa ho log bhi beraham hai 'n dosto, 
Ab ho chalaa yaqi'n ke bure ham hai'n dosto, 
Kis ko hamaare haal se nisbat hai kyaa kare'n,
AaNkhe'n to dushmano'n ki bhi purnam hai'n dosto, 
Apne sivaa hamaare na hone kaa Gham kise ,
Aapni talaash me'n to ham hi ham hai'n dosto, 
Kuchh aaj shaam hi se hai dil bhi bujhaa bujhaa ,
Kuchh shahar ke chiraaGh bhi maddham hai'n dosto, 
Is shahar-e-aarazuu se bhi baahar nikal chalo, 
Ab dil ki raunaqe'n bhi koi dam hai'n dosto ,
Sab kuchh sahi `Faraz` par itnaa zaruur hai, 
Duniyaa mie'n aise log bahut kam hai'n dosto.