|
* Is daur-e-bejunuun ki kahaani koi likho, *
Is daur-e-bejunuun ki kahaani koi likho,
Jismo'n ko barf Khuun ko paani koi likho,
Koi kaho ki haath qalam kis tarah hue,
Kyuu'n ruk gai qalam ki ravaani koi likho,
Kyo'n ahal-e-shauq sar-va-garebaa'n hai'n dosto,
Kyo'n Khuun-ba-dil hai ahad-e-javaani koi likho ,
Kyo'n surmaa-dar-guluu hai har ek taayar-e-suKhan,
Kyon' gulsitaane qafas kaa hai saani koi likho,
Haa'n taazaa saaneho'n kaa kare kaun intazaar,
Haa'n dil ki vaaradaat puraani koi likho . |
|