Vahashat-e-dil silaa-e-aabalaapaaii le le
Mujh se yaa rab mere lafzo’n kii kamaaii le le

Aql har baar dikhaatii thii jale haath apane
dil ne har baar kahaa aag paraaii le le

Mai’n to us subah-e-darakhshaa’n ko tavangar jaanuun
Jo mere shahar se kashkol-e-gadaaii le le

Too Ghanii hai magar itanii hai’n sharaayat merii
Ye mohabbat jo hame’n raas na aaii le le

Apane diivaan ko galiyo’n me liye phirtaa hoon
Hai koii jo hunar-e-zkhmnumaaii le le