|
* Giley fuzuul they ahad-e-vafaa ke hote hue, *
Giley fuzuul they ahad-e-vafaa ke hote hue,
So chup rahaa sitam-e-naaravaa ke hote hue,
Ye qurbato'n me'n ajab faasale parhe ki mujhe,
Hai aashnaa ki talab aashnaa ke hote hue ,
Vo hi laaghar hai'n jo majabuuriyaa'n shumaar kare'n,
Chiraagh ham ne jalaaey havaa ke hote huye,
Na kar kisi pe bharosaa ke kashtiyaa'n Duubi'n,
Khudaa ke hote huye naaKhudaa ke hote huye,
Kise Khabar hai ki kaasaa-ba-dast phirte hai'n ,
Bahut se log saro'n par humaa ke hote hue,
Faraz` aise bhi lamhe'n kabhi kabhi aaye,
Ki dil giriftaa rahaa dil_rubaa ke hote hue.
|
|