* ZamiiN se ugti hai yaa aasmaaN se aatii hai *
ZamiiN se ugti hai yaa aasmaaN se aatii hai
ye be-iraada udaasi kahaaN se aatii hai
badan kii baas, nasiim-e-libaas, buu-e-nafas
koii mahak ho isii Khaak-daaN se aatii hai
diloN kii barf pighalti nahii hai jiske baGair
voh aaNch, ek Gham-e-be-nishaaN se aatii hai
use naye dar-o-diivaar bhii na rok sake
voh ek sadaa jo puraane makaaN se aatii hai
suKhanwarii hai nazar se nazar kaa naaz-o-nayaaz
urooz se na zubaan-o-bayaaN se aatii hai |