لوری

ننھی مُنّی، راج دلاری ، میری آنکھوں کا تارا

تیری آنکھیں، کتنی پیاری، جس سے چمکے گھر سارا

!!  ننھی  مُنّی  !!  

آنکھیں موندے، سوجا پیاری، پلکیں سجائے جھولے

جس میں پیاری، پیاری پریاں، رقص کریں رنگیلے

ہلکے ہلکے، جھونکے نغمہ، گانے لگے ہیں نیارا

!!  ننھی  مُنّی  !!

رنگیں تتلی، آکر چھیڑے، تیرے ان گالوں کو

چڑیا بلبل، آکر چومیں، تیرے ان بالوں کو

لوری گانے، کلیاں آئیں، پھول بنے گہوارا

!!  ننھی  مُنّی  !!  

ساون برکھا، ندیا پانی، چومے تیرے پیروں کو

جگنو تارے، جگ مگ چمکے، چین ملے نینوں کو

نیل گگن کا ، چندا ہے تو، پھیلائے اجیارا

!!  ننھی  مُنّی  !!  

شاعر :   احمد نثارؔ  (نثار احمد سید)،  پونہ، مہاراشٹر، انڈیا۔

Email : ahmadnisarsayeedi@yahoo.co.in