غزل

چاہتا ہوں تجھے میں پانا بھی
ہے مگر سامنے زمانہ بھی
اور کتنا یہاں رہے گا تو
چاہئے اب جہاں سے جانا بھی
ہے اگر آرزوئے وصل تو پھر
چاہئے جوئے شیر لانا بھی
ہے حقیقت ترا بیاں لیکن
کہتے کچھ لوگ اُسے فسانہ بھی
کرلیا آپ نے اسیرِ زلف
تھا غضب آپ کا بلانا بھی
ہے گریزاں بھی یار آنے سے
اور چاہے بہ شوق آنا بھی
مدتوں بعد میں تجھے احساں
آج سمجھا بھی اور مانا بھی

احسان خسرو

Vill & Po. Makrampur, Via: Pandaul
Madhubani (Bihar)
Mob: 9097472038
بشکریہ ’’میر بھی ہم بھی‘‘	مرتب: مشتاق دربھنگوی
………………………