* Kabhi yak ja kabhi maiN jaa ba jaa hooN *
G H A Z A L ( Matla-e-saani)
~~~~~~~~~~~~~~~~~
Kabhi yak ja kabhi maiN jaa ba jaa hooN
KahaaN maelooM hai mujh ko maiN kya hooN
Daroon-e-dil kayi dariaa haiN mujh maiN
Bazaahir tau faqat maiN bulbulaa hooN
Hamaisha tishnagi maiN jaan di hai
MaiN apni zaat hi maiN karblaa hooN
Mere rahro kahiN peechay khaRe haiN
Jo aage baRh gya wo qaafilaa hooN
Jisy tay kar na paaye ziNdagi bhi
Zamin-o-aasmaaN ka faasilaa hooN
Radeef-e-mustaqil hooN maiN Ghazal ki
MaiN kiyuN badlooN gi kya maiN qaafiaa hooN
Malaa'ik sy na phir tashbeeh daina
MaiN masjood-e-malaa'ik hooN waraa hooN
Kiya hai munkashif yazdaaN ne Aashi
MaiN sab maiN hooN magar sab se judaa hooN
~~~~~~~
Aisha Baig
~~~~~~~
|