Naat-e-Rasool-e-Maqbool ...s.a.w.w
 
ChaaroN taraf jahaan maiN un ki jabeeN ki roshni
Un kay karam pe munhasir, arz-o-samaa ki ziNdagi
 
Sub'H-e-azal farifataa un kay wujood-e-noor par
Qaus-e-quzah shaheed-e-naaz un kay jamaal-o-husn ki
 
Un kay kamaal-e-faiz par, kaise na ho nisaar dil
Rahmat-e-mustafaa mera GhuNcha-e-dil khila gyi
 
Sajda-e-shukr adaa karooN un kay Khuda kay saamne
Hoti rahe agar mujhe ub ki liqaa kabhi kabhi
 
Jaanay hay Aashi un ki shaaN, daikha hay apni aaNkh se
Un kay dar-e-kareem par. saara jahaan multaji
 
Aisha Baig