|
* Kisi Din , Chahtey Hain *
Kisi Din , Chahtey Hain
Chupkey Se Ham Uss K Zeeney Par
Koi Jalta Diya,
Kuch Phool
Rakh Aayein
K Apney Bachpaney Mein
Wo Andheron Se Bhi Darta Tha
Ussey Phoolon ki Khushboo Se Bhi Raghbat Thi
Bohat Mumkin Hai, Ab Bhi
Shab ki Taareeki Se Uss ko Khaof Aata Ho
Mehaktey Phool Shayed Baais-e-Taskeen Ab Bhi Hon
So Iss Imkaan par
Ik Shaam Uss ke Naam Kartey Hain
Chalo Yeh Kaam Kartey Hain !
|
|