|
* sahra e la hudood me tashnalabi ki khair *
ghazal
sahra e la hudood me tashnalabi ki khair
mahaul e ashkbaar me lab ki hansee ki khair
laffzaziyon ke shaah hain ,Ghalib bane hue
sadiq sukhanwaron ki ,sukhanparwari ki khair
hai aurato.n ki dhoom zamee.n se falak talak
sai e baqa e shaukat e mardaangi ki khair
sara watan samjh chuka ,dairo haram ka sach
badkaar rahbaran ki ,baazigari ki khair
mashriq me hindo cheen ke bazaar yun badhe
jaaho jalaal e maghribo Bartaanvi ki khair
har simt qatle aam hai ,mazhab ki aad me
saari aqeedaton ki ,aman parwari ki khair
arzaa.n hai mushte khaak se insaan ki hayaat
tahzeeb e qatlo khoon me har zindagi ki khair
jumhooriyat ki laash pe iblees khandazan
us barhana nizaam ke ,har aadmi ki khair
nafrat ki shah raah pe ,chalne laga jahan
ulfat ,khulooso pyaar ki ,nanhi gali ki khair
toofa.n tha itna tez ki ashjaar gir gaye
aise me apni shaakh se ,bichhudi kali ki khair
urdu ghazal ke naam pe ,chalte hain chutkule
Ghalbi ke 'faiz ' , meer' ki us 'sahiri' ki khair
maghrib se aa gayi yahan ,tahzeeb e barhana
mashriq teri rivaayati ,pakeezgi ki khair
andhe parakh rahe jahan ,meayaar e roshni
deedavare hunar teri ,deedavari ki khair
SAHAAB ...
WRITTEN AS A TRIBUTE TO MY MOST FAV POET ,,THE GREAT GREAT SAHIR ..
|
|