Naat Sharif:
mere huzoor ko meraa payaam kahiyegaa
meri taraf se beh aali moqaam kahiyegaa
magar meree ye guzaarish bhi haajio sunyie
kisee kalaam se pahle salaam kahiyegaa
pahunch ke raoza e aqdas pe meri jaanib se
jhukaa ke sar ba sad ehtaraam kahiyegaa
wofoor e shauq se ek baar phir ziyarat ko
hai beqarar yeh adnaa ghulaam kahiyegaa
hai aarzoo ke kabhi hajj ho aur kabhi guzre
haram sharif meN maahe sayaam kahiyegaa
har eik saal nikal aay raasta aysaa
ho khush naseeboN me meraa bhi nam kahiyegaa
mareez e ishq e rasoole khuda yeh Akbar hai
hai issko khaake madinaa se kaam kahiyegaa.
***********************************
