|
* Dil me.n dard aah ba_lab chashm guhar_baar liye, *
Dil me.n dard aah ba_lab chashm guhar_baar liye,
yuu.N jiyaa jaataa hai ai dost to phir kaun jiye,
Khuun hai har Gham-e-hastii kaa hamaare sir par,
ham Gham-e-ishq ke maaro.n ne ba.De paap kiye,
chaa.Nd ke chehare pe maKhmuur Ghilaafii aa.Nkhe.n,
sang-e-marmar ke hasii.n taaqo.n me.n jalte hai.n diye
mai.n thaa be-saro-saamaa.N bahut saaf bachaa,
raah me.n raah_numaao.n ne ba.De daav kiye,
jab se aaGhosh-e-Gham-e-ziist me.n aa baiThaa huu.N,
Dhuu.NDhate phirte hai.n qaasid tere paighaam liye,
rashk se dekhte hai.n tujh ko ka_ii zohraa_jabii.n,
ham nikalte hai.n jab haatho.n me.n teraa haath liye,
pahale tashviish sukuun-e-dil va jaa.N thii.n ’Akhtar’,
ab pareshaa.N huu.N afkaar pareshaa.N ke liye.
|
|