hawaly kho gaye murda ujaaly ho gaye haiN,
sitary, chand, suraj, deep kaaly ho gaye haiN...

yahaN aa kr mila hay tohfa-e-khana-badoshi,
manaadi thi keh ham ghar-baar waly ho gaye haiN...

hamara maas daiv-e-ishtahaa ne kha liya hay,
hamary jism kuttoN k nawaly ho gaye haiN...

hamara ghar to pehly hi wahaN girvi paRa tha,
hamary zehn bhi us k hawaly ho gaye haiN...

yahaN ik umr din pe* raat ka sayaa raha hay,
yahaN k log is doran kaaly ho gaye haiN...