|
* kya kya zuroortoN k fuzooN kha gaei hawa *
kya kya zuroortoN k fuzooN kha gaei hawa,
kam paR gaei khirad to junooN kha gaei hawa...
ab inhidaam-e-qasr-e-takhayyul ka waqt hay,
gin gin k aik aik sutooN kha gaei hawa...
ham to sada sy khaak thy, khoraak-e-khak thy,
daur-e-hawa-sarisht to kyuN kha gaei hawa...
kaya daastan-e-ehd-e-guzishta raqam kareN,
wo khawb, wo nasha, wo fusooN kha gaei hawa...
sar-sar sifat khyal haiN, lab sokhta sawal,
her aadmi ka soz-e-durooN kha gaei hawa...
aisa laga k is ne to khaya hi kuch nahin,
Akhtar hmaiN to mauj meiN youN kha gaei hawa...
|
|