ilzaam usi pr hay barahnaa-badani ka,
jis shakhs ne aaghaz kiya bakhiya-zani ka...

khursheed nikaluN ga, ba-her-zarbat-e-taisha
dariyaa nahiN mey'aar meri koh'kani ka...

toRuN ga sab asnaam-e-ghazal kaaba-e-fan meiN,
wrisay meiN mujhy izn milaa but-shikani ka...

ik maiN hi numayaaN huN sab aashufta saroN meiN,
so hukm hay mery liay gardan-zadani ka...

aisy meiN bhi usmaan saza'waar-e-sukhan hay,
her-chand keh charchaa hay dareeda-dahani ka...