|
* tapish ka her hawala naar zada chein leta hay *
tapish ka her hawala naar zada chein leta hay,
ThiTharti raat meiN ham sy libada chein leta hay...
talab sy baRh kr deta hay koi baniyaa hmeiN qarzaa,
hamary sair hony pr afaada chein leta hay...
jisy bhi mud'datoN mehroom rakha jaye roTi sy,
wo moqa haath aany pr ziada chein leta hay...
koi likhty huay thakta nahiN is umr k parchy,
kisi sy mumtahin auraaq-e-sada chein leta hay...
nafaaz-e-habs meiN Akhtar hawa'aiN kab panapti haiN,
ye qaatil to hawa ka istifada chein leta hay...
|
|